एजेन्सी । नागरिकता विधेयकको कानुनको विरोधमा भारतभर प्रदर्शन भइरहेको छ । हिजो(शनिबार) कानपुर-रामपुरमा भएको प्रदर्शनले ठाउँ-ठाउँमा आगजानी एवम् झडपको स्थिति निम्ताएको छ । हिजो भएको झडपमा कानपुर-रामपुरमा एक व्यक्तिको मृत्यु भएको छ ।
बिहारमा विपक्षी आरजेडीको बन्दसँगै विभिन्न क्षेत्रमा तोडफोड भएको छ । रेल एवम् सडक यातायात प्रभावित बनेको छ ।
उत्तर प्रदेशको विभिन्न जिल्लाहरूमा भएको हिंसामा अहिलेसम्म १६ जनाको मृत्यु भइसकेको छ । उत्तर प्रदेशको प्रहरीले बताएअनुसार हिंसाका कारण २६० भन्दा बढी प्रहरी अधिकृत घाइते भएका छन्, जसमध्ये ५७ जनलाई गोली लागेको छ ।
स्रोतले बताएअनुसार शनिबार भएको प्रदर्शनका कारण कानुपुरको यतीमखाना पुलिस चौकीमा आगो लागेको छ । यसघटनामा पनि केहि प्रहरी अधिकृत घाइते भएको समाचार प्राप्त भएको छ ।
