नयाँ बर्ष तिमी सबको इन्साफ बनि आउनू

-यसोदा कार्की                                                                                                          -रचना

                                                                                                                    
सकारात्मक सोचले भरियुन आत्माहरू
सत्यमात्र बर्बराउन कोसिस गरून यी ओठहरू
ज़िन्दगीको झोलीमा समृद्धिलाई अंकुराउदई
नया वर्ष तिमी यसपालि खास बनि आउनू ।

निमुखाको आसा माथी सास बनि आउनू
देशभक्तका खातिर भने कर्मठ हात बनिदिनू
सत्ता कालो भत्ता ऊज्यालो जे जे भए पनि
नया बर्ष तिमी सबको इन्साफ बनि आउनू ।

तृष्णा मेट्ने पानी बनि आउनू
झल्को मेट्ने उपहार लिएर आऊनु
अस्ताउदो ज़िन्दगीमा ऊज्यालो दीप सरी
नयाँ वर्ष तिमी मनको चोखो प्रीत लिई आउनू ।

अँधेरी रातमा जूनकिरीझै ज्योति लिइ छाउनू
भौतारिएका पाइलामा नि मूलबाटो मिलाइदिनू
लम्पट भई चौतरीमा सुस्ताएको दिललाई पनि
नयाँ वर्ष तिमी उसलाई साथ लिइ आउनू ।

बिस्वास र भरूसाको डोरी बाटदै आउनू
माया र सदभाबको मुहान खोली आउनू
मस्तिष्क र निश्चल मनको सुरताल
नयाँ बर्ष तिमी सबको मीठो मुस्कान बनि आउनू ।२