महिला र मधेश पछाडी परे समग्र देशको विकास अपुरो हुन्छः काँग्रेस नेता जोशी

२१ भदौ, काठमाडौं। नेपाली काँग्रेसका केन्द्रीय सदस्य तथा युवा नेता नबिन्द्रराज जोशीले महिलाको हरेक क्षेत्रमा महत्व भएपनि चाँडै बिबाह गर्ने, शिक्षामा कम पहुंचका कारण पछि परेको बताएका छन् । उनले महिलाहरुमा संरक्षण, आरक्षण लगायतजस्ता लोकतन्त्रका मुल्य र मान्यतामा रहेर नेतृत्व गरेमा महिलाले धेरै नै प्रगति गर्न सक्ने जिकिर गरेका छन् । नेता जोशीले महिलाहरुको कुन चैं परम्पराको निरन्तरता र कुन चैं पराम्पराको सुधार गर्नुपर्ने भन्नेमा अध्ययन गर्नुपर्ने बताए । उनले माथिल्ले जात र तललो जात दुबै प्रकारका महिलाले समस्या झेल्नुपर्ने अवस्था रहेको भन्दै यसलाई राजनीतिक, आर्थिक, सामाजिक रुपमा छलफल गरेर समस्याको समाधान गर्ने बाटो खोज्नुपर्ने बताए । उनले समग्र विकासका लागि महिला र मधेशी छुटेभने त्यो विकास, विकास हुन नसक्ने बताए ।
गाणेशमान सिंह अध्ययन प्रतिष्ठानको ७१ औं कार्यक्रममा बोल्दै प्रतिष्ठानका अध्यक्षसमेत रहेका पुर्बमन्त्री जोशीले लोकतान्त्रीक समाजबादले भनेको कोहीपनि भोकै बस्नु नपरोस भन्ने नीति ब्यवहारमा नै लागू गर्नुपर्ने बताए । उनले एउटा व्यक्तीले ५१ प्रतिशत जीवन आफ्नो लागि खर्च गर्छ भन्दै त्यसपछिमात्र लोकतनत्रका लागि, राष्ट्रियताका लागि सोच्ने बताए । उनले महिला र मधेश छुटेमा देशको विकास अपूर्ण हुने सबैले बुझ्नुपर्ने भन्दै समग्र विकासका लागि सबै लाग्नुपर्ने उनले बताए ।