२१ फागुन, काठमाडौं । पहेंलो धातुको मूल्य ओरालो लाग्ने क्रम जारी छ । लगातार ओरालो लागिरहेको सुनको मूल्य आज पनि तोलामा ९ सय ले घटेको छ ।
स्थानीय बजारमा आज छापावाला सुन ९ सय ले घटेर तोलामा ८५ हजार ६ सय मूल्य निर्धारण भएको छ । छापावाला सुन बिहीबार तोलामा ८६ हजार ५ सय मा कारोवार भएको थियो ।
यसैगरी तेजाबी सुन तोलाको ८५ हजार १५० मूल्य निर्धारण भएको छ । तेजाबी सुन बिहीबार तोलामा ८६ हजार ५० मा कारोवार भएको थियो । यस्तै चाँदीको मूल्य तोलामा ३५ ले घटेको छ ।
तोलामा एक हजार २८५ मा बिहीबार कारोवार भएको चाँदी आज भने एक हजार २५० मूल्य निर्धारण गरिएको नेपाल सुनचाँदी व्यवसायी महासङ्घले जनाएको छ ।
