२७ माघ, धनगढी । नेकपा (एकीकृत समाजवादी) सुदूरपश्चिम प्रदेश सरकारमा सामेल हुने भएको छ । एकीकृत समाजवादीले नरेश शाहीलाई सरकारमा पठाउने सहमति भएको जनाएको छ ।
शाहीले आर्थिक मामिला मन्त्रालयमा दाबी गरेपनि मुख्यमन्त्री कमलबहादुर शाहले विभाग तोक्ने वा बिना विभागिय मन्त्री बनाउने भन्ने विषयमा छलफल गरेका छन् ।
बिहीबार मात्र मुख्यमन्त्रीमा नियुक्त भएका शाहले आज दिउँसो साढे ३ बजे पद तथा गोपनियताको सपथ लिँदैछन् । लगत्तै दुई जना मन्त्रीले पनि सपथ लिनेछन् ।
