१५ फागुन, काठमाडौँ । क्रिकेटर सन्दीप लामिछानेलाई सर्वोच्च अदालतले विदेश जान अनुमति दिएको छ । न्यायाधीश सपना मल्ल प्रधान र कुमार चुडालको इजलासले पाटन उच्च अदालतले धरौटीमा छाड्न दिएको आदेशलाई सदर पनि गरेको हो ।
अदालतले क्रिकेटर सन्दीपलाई पुनः पक्राउ गर्न जरुरी नरहेको समेत ठहर गरेको छ।
नाबालिग बलात्कारको मुद्दामा जिल्ला अदालत काठमाडौँले उनलाई पुर्पक्षका लागि थुनामा पठाएको थियो । तर पाटन उच्च अदालतले काठमाडौँ जिल्ला अदालतको निर्णय उल्टाएर २० लाख धरौटीमा छाड्न आदेश दिएको थियो ।
