२ फागुन, जाकर्ता । बुधबार मतदान समाप्त भएपछि सर्वेक्षणकर्ताहरूको प्रारम्भिक नतिजाले रक्षामन्त्री प्रबोवो सुबियान्तोले दक्षिणपूर्वी एसियाको सबैभन्दा ठूलो अर्थतन्त्र इन्डोनेसियाको राष्ट्रपति पदको दौडमा बलियो अग्रता लिएको देखाएको छ ।
आधिकारिक नतिजा आगामी महिनासम्म आउने छैन तर कम्तीमा दुई स्वतन्त्र मतदाता सर्वेक्षकले कथित ‘द्रुत गणना’ का लागि मतदान केन्द्रहरूमा मतपत्रहरूको नमूना सङ्कलन गरेका थिए । करिब दुई तिहाइ नमूना मतगणना गर्दा सुबियान्तोलाई ५५ प्रतिशतभन्दा धेरै मत आएपछि उनको विजय विश्वसनीय देखाएको थियो ।
पोलस्टर पोलट्र्याकिङले प्रारम्भिक गणनामा उहाँलाई ५९ दशमलव ७७ प्रतिशत र साइरस नेटवर्क–सिएसआइएसले ५८ दशमलव ६२ प्रतिशत देखाएको छ । सुबियान्तोले आफ्ना प्रतिद्वन्द्वीहरू अनिस बास्वेदन र गान्जर प्रणवोमाथि राष्ट्रपति पद सुरक्षित गर्नका लागि मुलुकको ३८ प्रान्तमा खसालिएको भोटको आधाभन्दा धेरै अर्थात ५० प्रतिशतभन्दा माथि भोट ल्याउनुपर्ने आवश्यकता छ । सुबियान्ताले बोगोर सहरमा मतदानभन्दा अघिल्लो दिन पत्रकारहरूसँग भने, “जित्ने आशा छ ।”
एक पुस्ताअघि सुहार्तो तानाशाहीको समयमा सैन्य प्रमुख रहनुभएका ७२ वर्षीय सुबियान्तोले बुधबार साँझ समर्थकहरूलाई सम्बोधन गर्ने कार्यक्रम थियो । उनले लोकप्रिय निवर्तमान राष्ट्रपति जोको विडोडोको स्थान लिन प्रतिस्पर्धा गरिरहनुभएको छ । विडोडोले अप्रत्यक्षरूपमा सुबियान्तोको अभियानलाई समर्थन गरेको पर्यवेक्षकहरूले दावी गरेका छन् ।
पपुआको अशान्त क्षेत्रमा आठ लाख मतदान केन्द्रमा मतदान सुरु भयो र मुलुकको अर्को भागमा जङ्गलले ढाकिएको सुमात्रामा समाप्त भयो । जाकर्ताका केही स्टेसनहरू आँधीका कारण डुबानमा परेपछि मतदान खुला भयो ।
स्थिर आर्थिक विकासको अध्यक्षता गरेका तर संवैधानिक दुई कार्यकालको सीमामा पुगेका विडोडोका नीतिहरूलाई निरन्तरता दिने प्रतिज्ञाका साथ लोकप्रिय बयानबाजीको मिश्रित अभियानपछि ७२ वर्षीय वृद्ध सुबियान्तो स्पष्टरूपमा मनपर्ने थिए ।
सन् १९९८ मा सुहार्तोको तानाशाहीको समाप्तिपछि यो पाँचौँ राष्ट्रपति निर्वाचन हो र निर्वाचनमा करिब २० करोड ५० लाख मतदान गर्न योग्य थिए ।
