प्रधानमन्त्रीलाई सम्पादकहरूको संयुक्त पत्र : राज्‍यले सृजना गरेको त्राससँग कुनै सम्झौता नगर्ने चेतावनी

८ जेठ, काठमाडौं । कान्तिपुर पब्लिकेसनका अध्यक्षय कैलाश सिरोहियालाई मंगलबार आफ्नो कार्यकक्ष बाट नै गिरफ्तार गरेकोमा प्रमुख सन्चारमाध्यमका सम्पादकहरुले आपत्ति जनाएका छन् । बुधबार प्रचण्डलाई एक पत्र लेख्दै राज्‍यले सृजना गरेको त्राससँग कुनै सम्झौता नगर्ने चेतावनीसमेत दिएका छन् ।
”जुन परिस्थितिमा, जस्तो आरोप लगाएर, जसरी कैलाश सिरोहियालाई गिरफ्तार गरियो, त्यसले गम्भीर प्रश्न खडा गरेको छ। कुनै पनि सञ्चार गृहभित्र प्रहरी प्रवेश गरी पक्राउ गरिएको घटनालाई हामीले प्रेसमाथि दबाब र त्रास सिर्जना गर्ने उद्देश्यका रूपमा लिएका छौ” सम्पादकहरु ले पत्रमा उल्लेख गरेका छन् ‘नेपाली सञ्चार जगतमा लामो समयदेखि काम गरिरहेका हामी सम्पादकहरू प्रेस स्वतन्त्रता, कानुनको शासन र आफ्नो जिम्मेवारीप्रति सचेत छौं। र, त्यसको रक्षा गर्न र आफ्नो जिम्मेवारी पूरा गर्न कुनै सम्झौता गर्ने छैनौं भन्ने पनि स्पष्ट गर्न चाहन्छौं।’