१६ चैत, काठमाडौँ । त्रिभुवन विश्वविद्यालय केन्द्रीय क्याम्पसको रोकिएको स्वतन्त्र विद्यार्थी युनियनको निर्वाचन १८ गते चैतमा सम्पन्न हुने भएको छ ।
आज निर्वाचन समितिका संयोजक प्रा डा कृष्ण प्रसाद न्यौपानेले सूचना जारी गर्दै बिहान ८ बजेदेखि बेलुकी ४ बजेसम्म निर्वाचन हुने निर्णय भएको जानकारी दिएका हुन् ।
चैत ५ गतेबाट ८ गते सरेको र ८ गतेबाट अनिश्चित भएको स्ववियु निर्वाचन १८ गते सम्पन्न हुने निश्चित भएको हो । यस सँगसँगै स्ववियु निर्वाचनमा विजयी हुनका लागि विद्यार्थीहरूको दौडधुप बढेको छ ।
