२१ चेत, काठमाडौँ । धरान उपमहानगरपालिकाका मेयर हर्क साम्पाङले काठमाडौं महानगरपालिकाका मेयर बालेन्द्र शाहलाई पङ्गु बनाएको टिप्पणी गरेका छन् ।
उनले सामाजिक सञ्जालमा लेख्दै अब बालेन जीले पनि पावर देखाउने बेला आयो भन्दै उनलाई हौसला दिएका छन् ।
साम्पाङले भ्रष्टहरूलाई ठेगान लगाउनै पर्छ भन्दै बालेनलाई पावर देखाउन भनेका हुन् । धरानका मेयर साम्पागं र काठमाडौँका मेयर बालेनबीच आगामी निर्वाचनलाई लक्षित गर्दै पार्टी खोल्नै कुरा उठिरहेको भएपछि पछिल्लो समय सुस्ताएको थियो ।
साम्पाङ.ले कसले पङ्गु बनाए नभने पनि काँग्रेस, एमाले, माओवादीलगायतका राजनीतिक दलहरूलाई आरोप लगाएको सङ्केत बुझिन्छ । बालेनले राजाका नाममा ७ लाख ९३ हजारको जरिवाना काट्नु र आज काठमाडौं महानगरका प्रमुख कार्यकारीलाई महानगर प्रवेश गर्न नदिने कार्यबाट बालेनको आलोचना हुन थालेको छ ।
उनको भनाई:
गाडाङ गुडुङ गरेर बालेन जीलाई पङ्गु बनाए अब बालेन जीले पनि पावर देखाउने बेला आयो ! भ्रष्टहरूलाई ठेगान लगाउनै पर्छ !
