२७ चैत, काठमाडौँ । नेपाल स्टक एक्सचेञ्ज लिमिटेड नेप्से र क्रेस्ट माइक्रो लाइफ इन्स्योरेन्स लिमिटेड बीच साधारण शेयर सूचीकरणको सम्झौता सम्पन्न भएको छ। यस सम्झौताअनुसार, कम्पनीले ७५,००,००० कित्ता साधारण शेयर सूचीकरण गर्ने निर्णय लिएको छ। यस सूचीकरणको प्रति शेयर अंकित मूल्य १०० र चुक्ता मूल्य पनि १०० निर्धारित गरिएको हो।
कम्पनीले सर्वसाधारण समक्ष एनआइएमवि एस क्यापिटल लिमिटेड धितोपत्र निष्काशन र बिक्री प्रबन्धक मार्फत साधारण शेयरको खुल्ला बिक्री आव्हान गरेको थियो। यस बिक्रीमा २२,५०,००० कित्ता (३०५) शेयर सर्वसाधारण लगानीकर्ताहरू, विशेषगरी वैदेशिक रोजगारीमा रहेका नेपाली, सामूहिक लगानी कोष, र कर्मचारीहरूमा वितरण गरिएको छ भने ५२,५०,००० कित्ता (७०५) शेयर कम्पनीका संस्थापक शेयरधनीहरूले लगानी गरेका छन्।
यस्तो शेयर सूचीकरण २०७५ को धितोपत्र सूचीकरण विनियमावली अनुसार गरिएको हो र २०८१-१२-२६ गतेको निर्णयानुसार शेयर सूचीकरण प्रक्रिया सम्पन्न भएको छ। यसबाट शेयर बजारमा यस कम्पनीको साधारण शेयरको कारोबार सुरु हुनेछ।
यसको आधारमा, क्रेस्ट माइक्रो लाइफ इन्स्योरेन्स लिमिटेडको शेयर दोस्रो बजार कारोबार मिति २०८१-१२-२८ बाट शुरू हुने बताइएको छ। कम्पनीको प्रधान कार्यालय सुर्खेतको विरेन्द्रनगर ६ स्थित रहेको छ भने सूचीकरण पश्चात् सेवा हिमालयन इन्भेष्टमेन्ट बैंकर लिमिटेड, नयाँ बानेश्वर, काठमाडौंबाट प्रदान गरिनेछ।
यस सूचीकरणको सफलताले क्रेस्ट माइक्रो लाइफ इन्स्योरेन्स लिमिटेडको बजारमा स्थिरता र प्रगति थप्ने विश्वास व्यक्त गरिएको छ।
