२५ वैशाख, क्वालालम्पुर । विश्वव्यापी जलवायु कार्यक्रम अस्थिर र विभाजित बन्दै गइरहेको सन्दर्भमा, दक्षिणपूर्वी एशियाली राष्ट्रहरूको संगठन आसियानले दिगोपनका लक्ष्यहरू हासिल गर्न अग्रसर भूमिका लिनुपर्ने मलेसियाका प्राकृतिक स्रोत तथा वातावरणीय स्थायित्व मन्त्री निक नज्मी निक अहमदले बताएका छन्।
उनका अनुसार अमेरिकाले दक्षिणपूर्वी एशियाली मुलुकहरूबाट आउने सौर्य उपकरणहरूमा शुल्क लगाउनु र पेरिस जलवायु सम्झौताबाट अलग हुनु जस्ता कारणहरूले विश्वव्यापी जलवायु कार्ययोजनामा अवरोध पैदा गरेको छ। यस्तो अवस्थामा क्षेत्रीय सहकार्य नै स्थायीतर्फको उत्तम बाटो भएको उनको भनाइ छ।
निक नज्मीले हालै आयोजित एक छलफल कार्यक्रममा आसियान सदस्य राष्ट्रहरूबीच सहकार्य गर्दै स्रोत र क्षमताहरूलाई एकीकृत गरी जलवायु संकटको सामना गर्नुपर्ने आवश्यकता औँल्याएका थिए। हामीसँग वन, जल, युवा जनशक्ति, विस्तारोन्मुख बजार र साझा भविष्य छ ।यसैले हामीले सँगै अघि बढ्नुपर्छ, उनले भने।
मलेसियाले सन् २०५० सम्ममा हरितगृह ग्यास उत्सर्जन पूर्ण रूपमा शून्य बनाउने लक्ष्य राखेको छ। त्यसअगाडि, सन् २०३० भित्र उत्सर्जन उच्च बिन्दुमा पुर्याउने र त्यसपछि तीव्र रूपले घटाउने योजना रहेको पनि मन्त्रीले जानकारी दिए। सन् २००५ को तुलनामा २०३० सम्म प्रति राष्ट्रिय उत्पादन एकाइमा उत्सर्जन ४५ प्रतिशतले घटाउने लक्ष्य लिइएको छ।
उनले क्षेत्रीय ऊर्जा प्रणालीलाई सुदृढ बनाउने उद्देश्यले अघि बढाइएको ‘आसियान विद्युत् जाल’ परियोजनालाई विशेष रूपमा उल्लेख गरे। यस योजनाले विभिन्न देशका विद्युत् प्रणालीहरूलाई आपसमा जोड्ने र शुद्ध तथा भरपर्दो ऊर्जाको प्रवाह बढाउने लक्ष्य लिएको छ।
ूहामी केवल विद्युत् होइन, स्वच्छ विद्युत् साटासाट गर्न चाहन्छौँ। यो हाम्रो क्षेत्रको ऊर्जा प्रणालीलाई प्रदूषणमुक्त बनाउने प्रमुख उपाय हो, किनकि यही क्षेत्र सबैभन्दा ठूलो प्रदूषक हो, मन्त्रीले प्रष्ट पारे।
