१८ जेठ, काठमाडौँ। छिमेकी राष्ट्र भारतमा कोरोना सङ्क्रमण बढेको छ। भारतीय सञ्चारमाध्यमका अनुसार भारतमा तीव्र कोरोना सङ्क्रमण बढ्दै गएको हो।
हालसम्म कोरोना सङ्क्रमणको सङ्ख्या ३ हजार ७८३ पुगेको सञ्चारमाध्यमहरूले बताएका छन्। गएको दुई दिनमा २१ जनाको ज्यान गएको छ भने गएको २४ घण्टामा एक हजार जना सङ्क्रमण थपिएका छन्।
सबैभन्दा बढी केरलामा १ हजार ४ सय जना सङ्क्रमित भएका र महाराष्ट्रमा ४८५ र दिल्लीमा ४३६ कोरोनाका बिरामी रहेको सञ्चारमाध्यमले जनाएका छन्।
ज्वरो, खोकी, छाती दुख्ने वा सास फेर्न गाह्रो भएमा तुरुन्तै परीक्षण गर्न भनिएको छ।
