२० जेठ ,काठमाडौँ । आज ११ बजे बस्ने भनिएको प्रतिनिधि सभाको बैठक २ बजेको लागि सारिएको छ। भिजिट भिसा प्रकरणमा गृहमन्त्रीको राजीनामाको अडान कसेका विपक्षी दलहरूसँग सभामुख देवराज घिमिरेले सहमतिको प्रयास गरिरहेका कारण बैठक २ बजेका लागि सारिएको हो।
सभामुख घिमिरेले आजै विपक्षी दलहरूसँग छलफल गरेका थिए। उनले सदनमा गृहमन्त्रीले आफ्ना भनाइ राख्ने वातावरण बनाइदिन आग्रह गरेको बताइएको छ।
सभामुख घिमिरेले अजै सत्ता पक्ष र विपक्षी दलका प्रमुख सचेतकहरू सँग छुट्टाछुट्टै छलफल समेत गरेका थिए।
