२२ जेठ, काठमाडौँ। पतञ्जलि जग्गा प्रकरणमा पूर्व प्रधानमन्त्री माधव कुमार नेपाललाई १८ करोड ५८ लाख ५० हजार रुपैयाँ बिगो जरिवाना र सजाय माग दाबी सहित भ्रष्टाचार मुद्दा दायर भएको छ । उनी सहित ९३ जनालाई प्रतिवादी बनाएर अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको हो।
हदबन्दीभन्दा बढी जग्गा खरिदबिक्री गर्न दिई सरकारी सार्वजनिक सम्पत्ति हिनामिना र हानि नोक्सानी गरी भ्रष्टाचार गरेको आरोपमा भ्रष्टाचार मुद्दा दायर भएको हो।
मुद्दा दायर भएका अन्य ९२ जनाको हकमा भने फरक फरक बिगो माग दाबी गरिएको छ।
