२९ जेठ, काठमाडौँ। प्रमुख प्रशासकीय अधिकृतको विवादले चिसिएको काठमाडौँ महानगरपालिकाका मेयर बालेन शाह र उपमेयर सुनिता डंगोल बिचको सम्बन्धका केही सुधार भएको छ। उनीहरूले तीन जना वडा अध्यक्षलाई राखेर वार्ता गरेपछि विवाद केही मत्थर भएको बुझिएको हो।
मेयर र उपमेयरबिच महानगरको बजेट अधिवेशनको बारेमा छलफल भएको बताइएको छ। हिजो भएको भेटमा दुई जनाबिच लामै कुराकानी भएको र कार्यपालिकाको बैठक पनि छिट्टै बोलाउने निर्णय भएको छ।
भेटमा तीन पार्टी नेपाली काँग्रेस, नेकपा एमाले र एकीकृत समाजवादीबाट चुनाव जितेका तीन जना वडा अध्यक्षहरू प्रतिनिधिको रूपमा सहभागी भएका थिए।
