५ मंसिर, काठमाडौं । सानिमा बैंकले आफ्ना उच्च मूल्यवान ग्राहकहरूका लागि कुमारीपाटी, ललितपुरमा २१ नोभेम्बर, २०२१ मा प्राथमिकता काउन्टर विस्तार गरेको छ।
प्राथमिकता काउन्टर बैंकको प्रधान कार्यालय, नक्सालमा कार्यरत थियो र अब कुमारीपाटीमा आफ्ना प्राथमिकताका ग्राहकहरूलाई झन्झटमुक्त र विशिष्टीकृत सेवाहरू प्रदान गर्न विस्तार गरिएको छ । विशेष प्राथमिकता लाउन्ज बैंकिङ आवश्यकताहरू पूरा गर्न डिजाइन गरिएको छ जहाँ समर्पित सम्बन्ध प्रबन्धकलाई तुरुन्त सेवा सुविधाको लागि नियुक्त गरिनेछ।
सानिमा बैंकको प्राथमिकता काउन्टरको मुख्य निक्षेप अधिकृत सरोज गुरागाईं र हाम्रा एक प्राथमिकताका ग्राहक श्यामकाजी अवालेले संयुक्त रुपमा एक समारोहका बीच उद्घाटन गरेका थिए । अवालेले ललितपुर क्षेत्रमा प्राथमिकताका साथ काउन्टर सेवा प्रदान गरेकोमा कृतज्ञता व्यक्त गर्दै बैंकको पहलको प्रशंसा गरे।
त्यसैगरी, गुरागाईंले आगामी दिनमा गुणस्तरीय सेवा अभिवृद्धि गर्ने र मूल्यवान ग्राहकहरूलाई झन्झटमुक्त सेवाका लागि प्राथमिकता काउन्टर जस्ता सेवाहरू विस्तार गर्ने कुरामा जोड दिएका छन् । सानिमा बैंकले ७ वटै प्रदेशमा ११७ कार्यालय र ९७ वटा एटिएम नेटवर्कबाट बैंकिङ सेवा प्रदान गर्दै आएको छ ।
