२४ घण्टे कोरोना अपडेटः २७१ जनामा संक्रमण पुष्टि, २२५ जना संक्रमणमुक्त थप १ को मृत्यु

१२ पुस, काठमाडौं । देशभर थप २७१ जनामा कोरोनाभाइरसको संक्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार १० हजार ८८६ जनाको परीक्षण गर्दा पीसीआर विधिबाट २५१ र एन्टिजेन विधिबाट २० जनामा सङ्क्रमण पुष्टि भएको हो ।

यही अवधिमा थप २२५ जना संक्रमणमुक्त भएका छन् । नेपाल हालसम्म कूल सङ्क्रमितमध्ये ८ लाख ११ हजार ५ जना संक्रमणमुत्त भइसकेका छन् । नेपालमा निको हुने दर ९८ प्रतिशत रहेको छ । हाल देशभर ४ हजार ९३१ जना सक्रिय संक्रमित रहेका छन् । यस्तै थाप १ जनाको मृत्यु भएको छ ।