१७ फागुन, काठमाडौं । बैतडीको पाटनमा जारी पाटन प्रिमियर लिग (पीपीएल) क्रिकेटअन्तर्गत सेमिफाइनल पुग्ने तीन टोलीको टुङ्गो लागेको छ । आयोजक पाटन क्रिकेट क्लब, पाटन क्रिकेट एकेडेमी र कैलपाल क्रिकेट क्लब सेमिफाइनल प्रवेश गरेका छन् ।
सेमिफाइनल पुग्ने चौथो टोलीको टुङ्गो बुधबार लाग्ने स्कोरर किरन चन्द जानकारी दिए । पाटन क्रिकेट क्लबको आयोजनामा श्रीकृष्ण माविको खेलमैदानमा यही फागुन १३ गतेदेखि उक्त प्रतियोगिता सुरु भएको छ । पन्ध्र टोली सहभागी प्रतियोगिताको फाइनल खेल फागुन २० गते हुनेछ ।
विजेताले रु ५५ हजार ५५५ र उपविजेताले रु २२ हजार २२२ नगखसहित ट्रफी, मेडल र प्रमाणपत्र पाउने प्रतियोगिताका संयोजक खेमराज अवस्थीले बताए । यस्तै सर्वोत्कृष्ट खेलाडीलाई रु तीन हजार ३३३, उत्कृष्ट ब्याट्सम्यान र बलरलाई समान रु एक हजार १११ प्रदान गरिने छ । 
