२६ कात्तिक, शिमला । हिमाचल प्रदेशमा शनिवार दिउसो दोस्रो पहरसम्ममा ५५.६५प्रतिशत मतदाताले मतदान गरेको निर्वाचन आयोगले जनाएको छ ।
हिमाचल राज्यमा बिहान ८ बजेदेखि मतदान सुरु भएको थियो । राज्यमा विधानसभाका ६८ सिट छन् र परिणाम डिसेम्बर ८ मा घोषणा गरिनेछ ।
राज्यका विभिन्न स्थानमा मतदान तीव्र स्तर चलिरहेको अधिकारीहरूले बताएका छन् ।
शिमला जिल्लाको आठ विधानसभा निर्वाचन क्षेत्रमध्ये जुब्बाल–कोटखाईमा अपराह्न ३ बजेसम्म सबैभन्दा बढी ६४.७१ प्रतिशत मतदान भएको छ भने कसुम्प्तीमा ४७ प्रतिशत मतदान भएको छ ।
बिलासपुर जिल्लाको झाँडुटा विधानसभा क्षेत्रमा ५६.६८ प्रतिशत मतदान भएको छ, जुन जिल्लाको चार विधानसभा क्षेत्रहरूमा दिउँसो ३ बजेसम्म सबैभन्दा बढी मतदान भएको थियो । घुमारविनमा दिउँसो ३ बजेसम्म ५०.२५ प्रतिशत मतदाताले मतदान गरेका छन् ।
चम्बा जिल्लाको भट्टियात विधानसभा क्षेत्रमा दिउँसो ३ बजेसम्म सबैभन्दा बढी ५५.९७ प्रतिशत मतदान भएको छ भने भरमौरमा ५५.३५ प्रतिशत मतदान भएको छ । दिउँसो ३ बजेसम्म चुराहमा सबैभन्दा कम ३४.६८ प्रतिशत मतदान भएको छ ।
काँगडा जिल्लाको जसवान–प्रागपुर विधानसभा क्षेत्रमा दिउँसो ३ बजेसम्म सबैभन्दा बढी ५८ प्रतिशत मतदान भएको छ भने बैजनाथ क्षेत्रमा सबैभन्दा कम ४४.८६ प्रतिशत मतदान भएको छ । काँगड़ा जिल्लाको धर्मशाला सीटका लागि भएको निर्वाचनमा दिउसो ३२ बजेसम्म ५२.९८ प्रतिशत मतदान भएको छ । हिमाचल राज्यमा बिहान ८ बजेदेखि मतदान सुरु भएको थियो ।
भारतीय जनता पार्टी (भाजपा) र भारतीय कांग्रेस दशकौँदेखि यस पहाडी राज्यमा वैकल्पिक कार्यकालका लागि सत्तामा आएका छन् । भाजपाले यस प्रवृत्तिलाई तोड्ने आशा गरेको छ र केन्द्र र राज्य सरकारहरूको प्रदर्शनलाई उजागर गर्न पहाडी राज्यमा व्यापक अभियान चलाएको छ । राज्यका जनतालाई दिएको ‘ग्यारेन्टी’का आधारमा कांग्रेस सत्तामा फर्किनेमा आशावादी छ ।
राजनीतिक दलद्वारा तीब्र चुनाबी अभियानपछि हिमाचल प्रदेशका मतदाताले हिमाली राज्यको राजनीतिक भाग्यको फैसला गर्न शनिबार मतदान गरेका हुन् ।
निर्वाचन आयोगका अनुसार यहाँ कूल ५५ लाख ९२ हजार ८२८ मतदातामध्ये २७ लाख ३७ हजार ८४५ महिला, २८ लाख ५४ हजार ९४५ पुरुष र ३८ तेस्रोलिंगी रहेका छन् । यस पटक महिला उम्मेदवारको प्रतिनिधित्व २४ रहेको छ ।
बितेका केही चुनावमा भाजपा र कांग्रेसबीच सत्ताको विकल्प देखिएको यस राज्यमा शनिबार मतदान हुँदैछ । भाजपाले राज्य र केन्द्र सरकारको कार्यसम्पादन र राज्यका लागि उसको दृष्टिकोणको आधारमा सत्तामा फर्कने विश्वास व्यक्त गरेको छ भने काङ्ग्रेसले उसका केही चुनावी वाचाहरू मतदाताहरूको बीचमा एक प्रमुख आकर्षण हुने आशा गरेको छ ।
आम आदमी पार्टी (आप) ले पनि राज्यमा आफ्नो छाप छोड्ने आशा गरेको छ र सबै ६८ सिटमा चुनाव लडिरहेको छ । यी तीन दलबाहेक बहुजन समाज पार्टी (बसपा), भारतीय कम्युनिस्ट पार्टी (मार्क्सवादी), भारतीय कम्युनिस्ट पार्टी (भाकपा) र राष्ट्रिय देवभूमि पार्टी (आरडीपी) जस्ता पार्टीहरू चुनावी मैदानमा छन् । भाजपाले केन्द्रीय गृहमन्त्री अमित शाह, पार्टी अध्यक्ष जगतप्रकाश नड्डा र उत्तर प्रदेशका मुख्यमन्त्री योगी आदित्यनाथजस्ता प्रखर नेता प्रचारकलाई निर्बाचन अभियानको नेतृत्व गर्नेगरी तोकेको थियो ।
भारतीय प्रधानमन्त्री नरेन्द्र मोदीले पनि यस पहाडी राज्यमा चुनावी प्रचारमा सहभागी भएका थिए ।
कांग्रेस नेतृ प्रियंका गान्धी वाड्रा, छत्तीसगढका मुख्यमन्त्री भूपेश बघेललगायत पार्टीका अन्य शीर्ष नेता पनि निर्बाचनमा मैदानमा उत्रेका छन् । शनिबारको निर्बाचनले जेपी नड्डाका लागि पनि धेरै महत्व राख्नेछ किनभने हिमाचल प्रदेश उनको गृह राज्य हो ।
निर्वाचन आयोगका अनुसार निर्वाचनका लागि सात हजार ८८१ मतदान केन्द्र तोकिएको थियो । काँगडा जिल्लामा सबैभन्दा बढी एक हजार ६२५ मतदान केन्द्र छन् भने सबैभन्दा कम लाहौल–स्पीति जिल्लामा ९२ मतदान केन्द्र छन् । ग्रामीण क्षेत्रमा सात हजार २३५ र सहरी क्षेत्रमा ६४६ मतदान स्थल रहेका छन् । सिद्धबारी (धर्मशाला), बारा भङ्गाल (बैजनाथ) र ढिल्लन (कसौली) मा पनि तीन वटा सहायक मतदान केन्द्र कायम गरिएको छ ।
