सुनको मूल्य तोलामा दुई हजारले बढ्यो

२३ कात्तिक, काठमाडौँ । स्थानीय बजारमा आज सुनको मूल्य तोलामा दुई हजारले बढेको छ ।

नेपाल सुनचाँदी व्यवसायी महासङ्घका अनुसार बिहीबार प्रतितोला एक लाख ६४ हजार पाँच सयमा कारोबार भएको छापावाला सुन आजका लागि एक लाख ६६ हजार पाँच सय निर्धारण भएको छ ।

यस्तै, चाँदीको मूल्य तोलामा २० ले बढेको छ । बिहीबार प्रतितोला एक हजार नौ सय ६० मा कारोबार भएको चाँदी आजका लागि भने एक हजार नौ सय ८० निर्धारण भएको छ ।