१९ चैत, काठमाडौँ । राष्ट्रिय प्रजातन्त्र पार्टी (राप्रपा)का सांसद दीपक बोहराको निधन भएको छ। राप्रपाका वरिष्ठ नेता एवं पूर्वमन्त्री बोहराको उपचारको क्रममा काठमाडौँको ओम अस्पतालमा निधन भएको हो।
बोहरा गएको सङ्घीय निर्वाचनमा रुपन्देहीबाट निर्वाचित भएका थिए। उनले रुपन्देही क्षेत्र नम्बर १ बाट ०७९ को निर्वाचनमा नेपाली काँग्रेसका उम्मेदवार तथा तत्कालीन गृहमन्त्री बालकृष्ण खाँणलाई पराजित गरेका थिए।
बोहरा गएको साढे तीन वर्षदेखि बोल्न नसक्ने बिरामी भएका थिए। कोभिड–१९ सङ्क्रमणपछि उनको स्वरनलीमा समस्या आएको पारिवारिक स्रोतले जनाएको छ। उनले केही समय भारत र अमेरिकामा समेत उपचार गराएका थिए।
