१९ चैत, काठमाडौँ । सर्वोच्च अदालतमा निवर्तमान नेपाल विद्युत् प्राधिकरणको कार्यकारी निर्देशक कुलमान घिसिङ र नवनियुक्त निर्देशक हितेन्द्रदेव शाक्यको रिटमाथि सुनुवाइ भइरहेको छ । यो समाचार तयार पार्दासम्म इजलासमा बहस जारी छ।
सर्वोच्च अदालतबाट घिसिङ र शाक्यको रिटमा आइतबार पनि पेशी तोकिए पनि सुनुवाइ हुन सकेको थिएन । आज सर्वोच्चका न्यायाधीश द्वय कुमार चुँडाल र नित्यानन्द पाण्डेयको इजलासमा दुवैका रिटलाई प्राथमिकतामा राखेर सुनुवाइ चलिरहेको हो ।
सर्वोच्चले दुवै रिटलाई प्राथमिकता दिएको छ । चुँडाल र पाण्डेयको इजलासले अन्य सबै मुद्दा ‘हेर्न नभ्याइने’ सूचीमा पठाएको छ । यो इजलासमा ४२ वटा मुद्दा पेशीमा रहेकामा सबै ४१ मुद्दालाई ‘हेर्न नभ्याइने’ सूचीमा पठाइएको छ ।
