१९ चैत, वीरगञ्ज । वीरगञ्जको विर्तास्थित बाल सुधारगृहका बालकहरूले मंगलबार दिउँसो सुधारगृहभित्रै नाराबाजी गरेका छन्।
गर्मीमा पंखा नहुनु, पिउने पानीको अभाव तथा वैकल्पिक विद्युत् व्यवस्था नहुनुजस्ता आधारभूत सुविधाको कमीले असन्तुष्ट बनेका उनीहरूले विरोधस्वरूप नाराबाजी गरेको स्रोतले जनाएको छ।
सुधारगृहभित्र न्यूनतम आवश्यकतासमेत पूरा नभएपछि बालकहरूले आवाज उठाएको बुझिएको छ।
