१ वैशाख, वासिङ्टन । पप स्टार केटी पेरी अर्बपति जेफ बेजोसको रकेटमा ब्रह्माण्डमा गर्जना गर्दै सोमबार अन्तरिक्षको किनारा छुने सम्पूर्ण महिला समूहमा सबैभन्दा ठूलो नाम हुनेछ ।
‘फायरवर्क’ र ‘क्यालिफोर्निया गर्ल्स’ गायिकालाई अमेजनका संस्थापक स्वामित्वमा रहेको अन्तरिक्ष कम्पनी ब्लु ओरिजिनको विमानमा पृथ्वीको सतहबाट १०० किलोमिटर ६० माइल भन्दा माथि उडाइनेछन ।
बेजोसकी मङ्गेतर लरेन सान्चेजसहित अन्य पाँच महिला पश्चिमी टेक्सासबाट बिहान करिब ८ः३० बजे १३३० जिएमटी तिर प्रक्षेपण हुने उडानमा सहभागी हुनेछन् ।
उनीहरूको पूर्ण स्वचालित यान ठाडो रूपमा उठ्नेछ । त्यसपछि चालक दल क्याप्सुल मध्य–उडानमा छुट्टिनेछ र पछि प्यारासुट र रेट्रो रकेटद्वारा गति कम गरेर जमिनमा फर्कनेछ ।
सन् १९६३ मा भ्यालेन्टिना तेरेस्कोभाको ऐतिहासिक एकल उडानपछि सोमबारको अभियान पहिलो महिला अन्तरिक्ष हो ।
यो ब्लु ओरिजिनको ११औँ उप–कक्षीय सब–अर्बिटल चालक दल सञ्चालन पनि हो, जसले धेरै वर्षदेखि अन्तरिक्ष पर्यटनको अनुभव प्रदान गर्दै आएको छ ।
कम्पनीले आफ्नो न्यु शेपर्ड रकेटले सम्भव बनाएको यात्राको मूल्य सार्वजनिक रूपमा बताउँदैन ।
करिब १० मिनेटसम्म चल्ने यो उडानले यात्रुहरूलाई अन्तर्राष्ट्रिय मान्यता प्राप्त अन्तरिक्षको सीमा–कर्मन रेखाभन्दा बाहिर ल्याउनेछ ।
त्यहाँ एक छोटो अवधि हुनेछ जतिबेला महिलाहरूले आफ्नो सीटबाट बेल्ट खोल्न र शून्य गुरुत्वाकर्षणमा तैरिन सक्नेछन् ।
