१३ असार, काठमाडौँ । आचार्य बन्धु समाज नेपाल केन्द्रीय कार्यसमितिको बैठकले आउँदो असार १४ गते शनिवारको दही चिउरा कार्यक्रम अन्तिम तयारीमा पुगेको छ । दही चिउरा कार्यक्रम कृष्णभोग पार्टीप्यालेश बानेश्वरमा हुने समाजका महासचिव एवम् वरिष्ठ अधिवक्ता शुभनराज आचार्यले जानकारी दिए ।
समाजका सचिव इन्द्र प्रसाद आचार्यले दही चिउरा कार्यक्रममा काठमाडौँमा रहनुभएका समग्र कौण्डिन्य गोत्रीय आचार्यहरूलाई उपस्थितिका लागि अनुरोध गरिएको र निमन्त्रण नआएमा यसै सूचनालाई मध्यनजर गर्दै उपथिति हुनका लागि अनुरोध गरेका छन् ।
समाजले नयाँ वर्षको उपलक्षमा केही अगाडी मात्र प्रकाशित क्यालेन्डर विमोचन गरेको अवस्थामा पुनः भव्य रूपमा दही चिउरा कार्यक्रम गर्न लागेको हो । समाजले नयाँ वर्ष, दही चिउरा, दशैंतिहार, तीज, टङ्क प्रसाद आचार्यको जन्म जयन्ती मनाउने, इतिहाशशिरोमणि बाबुराम आचार्यको जन्म जयन्ती मनाउने कार्यक्रम, आदिकवि भानुभक्त आचार्यको जन्म जयन्ती मनाउने कार्य, स्वर सम्राट् भक्तराज आचार्यको जन्म जयन्ती मनाउने कार्य तथा सहभागिता जनाउने कार्य, वार्षिक क्यालेन्डर प्रकाशन गर्ने कार्य लगायतका महत्त्वपूर्ण वार्षिक कार्यक्रमहरू गर्दै आएको छ ।
यस पटक भने समाजले आफ्नो केन्द्रीय कार्यालय निर्माणका लागि केही दिनमै नतिजा आउने गरी कार्य भइरहेको समाजका केन्द्रीय अध्यक्ष एवं भवन निर्माण समितिका संयोजक बाबुराम आचार्यले बताएका छन् ।
आचार्य बन्धु समाज नेपालले असार १४ गते देशव्यापी बन्धु मिलन कार्यक्रम एवं असार पन्ध्र (दही च्यूरा) उत्सव मनाउने निर्णय गरेको थियो । स्वदेशभर तथा विदेशबाट समेत नेपाल आउनै लाग्नुभएका बन्धुहरूलाई असार १४ गते दिउँसो २ (दुई)बजेको समयमा भनिए पनि क्याट्रिगं खाली नभएका कारण बिहान ७ बजे देखी १० बजेसम्म दही चिउरा कार्यक्रम हुने भन्दै काठमाडौँको नयाँ बानेश्वरस्थित कृष्णभोग पार्टी प्यालेसमा उपस्थितिका लागि केन्द्रीय समितिले आह्वान गरेको छ ।
उक्त दिन देश र समाजलाई उच्चतम योगदान दिने बन्धुहरूलाई सम्मान र अध्ययनमा अत्यन्तै मेधावी भाइ–बहिनीहरूलाई पुरस्कृत गरिने कार्यक्रमलाइ पर्याप्त समय नभएकाले पछिका कार्यक्रममा समाबेश गर्ने निर्णय गिरएको समाजले जनाएको छ ।
बैठकले आचार्य बन्धु समाज नेपालको आफ्नै भवन (आचार्य सदन) निर्माण गर्ने, बृहत् कुल थान बनाउने, नाग–सिकारी थान लगायतका हाम्रो पुर्खाले स्वीकारेका सकारात्मक रीतिरिवाजसँग मिल्ने सबै स्थान बनाउने, आचार्यहरूको पौराणिक कला–संस्कृति, रीतिरिवाज र जीवनशैली झल्किने खालको आचार्य गाउँ निर्माण गर्ने गरी जग्गा खरिद गर्न बृहत् खोजी गर्ने निर्णय भएको भन्दै बैठकले जग्गा खरिदका लागि अकल्पनीय सहयोग प्राप्त हुन थालिसकेकाले दाताहरूलाई हृदयदेखि धन्यवाद दिएको अध्यक्ष बाबुराम आचार्यले जानकारी दिए ।
सम्पर्कका लागि बाबुराम आचार्य (अध्यक्ष ९८५१०२७२८३), शुभनराज आचार्य (महासचिव ९८५१०६८०३२), इन्द्र प्रसाद आचार्य (सचिव ९८५१०९७६९४) तोकिएको सचिव इन्द्र आचार्यले बताए । थप जानकारीका लागि समाजले आफ्ना वेवसाईटमा हेर्न भनेको छ । समाजले बिशिष्ट आचार्य बन्धुहरुसमेत सबै कौण्डिन्य गोत्रीय आचायृहरलाई निमन्त्रणा गरेको छ । निमन्त्रणा नआए सूचनालाई आधार मानी दही-चिउरा कार्यक्रममा सहभागी हुन समाजले आग्रह गरेको केन्द्रीय प्रवक्ता रामहरी आचार्यले जानकारी दिए। वेवसाईट acharyasamaj.org/acharyasamaj.org.np रहेका छन् ।
