२४ कात्तिक, काठमाडौं । विघटित नेकपा एकीकृत समाजवादीकी नेतृ रामकुमारी झांक्री, किसान श्रेष्ठसहितका नेताहरू सोमबार नेकपा एमालेमा समाहित भएका छन्। काठमाडौंको राष्ट्रिय सभा गृहमा आयोजित ‘घर फर्क अभियान राष्ट्रिय घोषणा सभा’ कार्यक्रममा एमाले अध्यक्ष केपी शर्मा ओलीले उनीहरूलाई पार्टी झण्डासहित स्वागत गरे।
कार्यक्रममा उनीहरूले अध्यक्ष ओलीलाई सांकेतिक रूपमा कलम हस्तान्तरण गरेका थिए। कमल चिन्ह रहेको पूर्व एकीकृत समाजवादीका केन्द्रीय सदस्य गम्भीरलाल श्रेष्ठ, राजाराम स्याङ्तान, ध्रुव विष्ट, नवराज पौडेल लगायतका नेता पनि एमालेमा प्रवेश गरेका छन्।
साथै अन्य दर्जनौं पार्टी सदस्यहरू समेत समाहित भएका कार्यक्रमलाई पार्टीका लागि ठूलो एकतामूलक कदमका रूपमा व्याख्या गरिएको छ।
