१० बैशाख, बागलुङ । बागलुङमा भिरबाट लडेर एक बालिकाको मृत्यु भएको छ।
निसीखोला गाउँपालिका–२ अर्नकोटकी ७ वर्षीया एलिना विकको मृत्यु भएको हो।
बालिका आफ्नै घर नजिकको बारीमा बाख्रा चराउने क्रममा बुधबार दिउँसो लडेकी हुन्।
इलाका प्रहरी कार्यालय बुर्तिबाङका प्रहरी निरीक्षक तिलक मानन्धरका अनुसार भिरबाट लडेकी बालिकाको घटनास्थलमा नै मृत्यु भएको हो।
बालिका भिरबाट करिब ५० मिटर तल खसेको प्रहरीले जनाएको छ।
