प्रोटेक्टिभ माइक्रो इन्स्योरेन्स लिमिटेडका नवनियुक्त सञ्चालक समिति अध्यक्ष दिनेश सरिया ज्यूले औपचारिक रुपमा सपथ ग्रहण गर्नुभएको छ। सपथ ग्रहण कार्यक्रम नेपाल बीमा प्राधिकरणका अध्यक्ष जनक राज शर्मा ज्यूले सम्पन्न भएको हो।
सपथ ग्रहण कार्यक्रम २०७८ साल मंसिर ११ गते बिहीबार साँझ ४ ३० बजे नेपाल बीमा प्राधिकरणका अध्यक्षको कार्यकक्षमा आयोजना गरिएको थियो। कार्यक्रममा नेपाल बीमा प्राधिकरणका कार्यकारी निर्देशक शुसिल देव सुवेदी, निर्देशक शाम्भ राज लामिछाने, प्रोटेक्टिभ माइक्रो इन्स्योरेन्सका मानव संसाधन प्रमुख श्री विष्णु प्रसाद घिमिरे, कम्पनी सचिव राजेन्द्र पाठक लगायतको उपस्थिती रहेको थियो।
सपथ ग्रहणपछि सरिया ज्यूले बीमा क्षेत्रको विकास, नियामकीय मापदण्डको पालना र सुशासनलाई प्राथमिकतामा राख्दै कम्पनीलाई थप सक्षम र जिम्मेवार संस्थाका रूपमा अघि बढाउने प्रतिबद्धता व्यक्त गरे।
