‘स्वतन्त्र र धाँधलीरहित चुनाव चाहिन्छ, तयार छौँ’: ओली

१० पुस, काठमाडौं । नेकपा एमालेका अध्यक्ष केपी शर्मा ओलीले सरकारले निर्वाचनको लागि उपयुक्त वातावरण सिर्जना गर्नुपर्नेमा जोड दिएका छन्। बिहीबार पार्टी कार्यक्रमलाई सम्बोधन गर्दै ओलीले भने कि एमालेले स्वतन्त्र र धाँधलीरहित चुनावको लागि आफूलाई तयार राखेको छ।

ओलीले स्पष्ट पारे, “निर्वाचनको परिस्थितिलाई सरकारले बनाउँछ भने हामी निर्वाचनमा सहभागी हुनेछौँ र बहुमत ल्याउने लक्ष्य राख्छौँ। स्वतन्त्र, धाँधलीरहित चुनाव हुनुपर्छ। हामी त्यसको प्रतीक्षामा छौँ र जुनसुकै परिस्थितिका लागि तयार छौँ।”

उनले राष्ट्रपति रामचन्द्र पौडेलसँग भएको पूर्वप्रधानमन्त्री र वर्तमान प्रधानमन्त्रीको संयुक्त बैठकको विषय पनि उल्लेख गर्दै भने कि प्रतिनिधिसभा पुनर्स्थापना छिटो हुनुपर्छ। ओलीले थपे, “प्रधानमन्त्री, राष्ट्रपति चुनाव गरौँ भन्नुहुन्छ। तर, वातावरण बनेको कहाँ छ? अहिले पनि नेताहरूलाई विभिन्न रूपमा आक्रमण गरिएको छ। यसरी निर्वाचनको वातावरण तयार हुन्छ?”