१५ पुस, काठमाडौं – नेकपा एमालेका अध्यक्ष केपी शर्मा ओलीले देश अहिले अप्ठेरो अवस्थामा रहेको भन्दै सर्वोच्च अदालतले प्रतिनिधिसभा पुनर्स्थापनासम्बन्धी मुद्दामा समयमै फैसला दिनुपर्ने बताएका छन्।
एमालेले मंगलबार आयोजना गरेको विचार गोष्ठीमा ओलीले प्रतिनिधिसभा पुनर्स्थापना असंवैधानिक ढंगले विघटन भएको कारण आवश्यक रहेको बताए। उनले भने, “देश अप्ठेरोमा छ भने अदालतले तदारुकताका साथ निर्णय दिनुपर्दछ। फैसला दिनुपर्दछ।”
ओलीले प्रतिनिधिसभा अनधिकृत सिफारिसमा विघटन भएको र त्यसको पुनर्स्थापना हुनुपर्नेमा जोड दिए। उनका अनुसार, प्रतिनिधिसभा अस्तित्वमा नआउँदासम्म एमालेको माग कायम रहनेछ।
स्रोतका अनुसार, २३ र २४ भदौको जेनजी आन्दोलनपछि ओली नेतृत्वको सरकार ढलेको थियो। त्यसपछिका प्रक्रियामा राष्ट्रपति रामचन्द्र पौडेलले २७ भदौमा सर्वोच्च अदालतकी पूर्वप्रधानन्यायाधीश सुशीला कार्कीलाई प्रधानमन्त्री नियुक्त गरेका थिए। तत्कालीन मन्त्रिपरिषद्ले प्रतिनिधिसभा भंग गरी निर्वाचन घोषणा गर्न सिफारिस गरेपछि राष्ट्रपति पनि सोही दिन प्रतिनिधिसभा भंग गरेका थिए।
यस निर्णयविरुद्ध सर्वोच्च अदालतमा नेकपा एमाले र नेपाली कांग्रेसका सांसदहरूले समेत रिट दर्ता गराएका छन्।
