काठमाडौं, ९ माघ । देशभर ३ हजार ४८७ उम्मेदवारले निर्वाचनका लागि मनोनयन दर्ता गरेका थिए, जस मध्ये ४९ जनाले आफ्नो उम्मेदवारी फिर्ता लिएका छन्।
निर्वाचन आयोगका प्रवक्ता नारायणप्रसाद भट्टराईले शुक्रबार आयोजित पत्रकार सम्मेलनमा जानकारी दिनुभयो कि देशभर जम्मा ४९ उम्मेदवारले उम्मेदवारी फिर्ता लिएको तथ्य आयोगमा उपलब्ध छ।
त्यस्तै, पाँच उम्मेदवारविरुद्ध उजुरी परेको थियो। तीमध्ये एक उम्मेदवारको मात्र उम्मेदवारी खारेज गरिएको छ भने बाँकी चार उम्मेदवारको स्थिति यथावत रहेको प्रवक्ताले जनाए।
