२८ जेठ, काठमाडौं । कोटेश्वरका व्यवसायी रामहरि श्रेष्ठ हत्या प्रकरणमा सर्वोच्च अदालतले गोविन्दबहादुर बटालालाई १० वर्ष कैद सजाय सुनाएको छ।
न्यायाधीश डा. नहकुल सुवेदी, अब्दुल अजीज मुसलमान र शान्तिसिंह थापा सम्मिलित इजलासले पुनरावलोकनमार्फत यसअघि भएको फैसला संशोधन गर्दै बटालालाई थप कडा सजाय निर्धारण गरेको हो।
यसअघि सर्वोच्च अदालतकै संयुक्त इजलासले बटालालाई ३ वर्ष कैद सजाय सुनाएको थियो। तर पुनरावलोकन प्रक्रियामा उक्त फैसला पुनः परीक्षण भएपछि अदालतले ३ वर्षको सजायलाई पर्याप्त नठहर गर्दै १० वर्ष कैद सजाय कायम गरेको हो।
अदालतको पछिल्लो आदेशसँगै रामहरि श्रेष्ठ हत्या प्रकरणमा बटालाले अब १० वर्ष कैद भुक्तान गर्नुपर्ने भएको छ।
