१० फागुन, एजेन्सी। चिनियाँ राष्ट्रपति सी चिनफिङले बुधबार ब्राजिलमा भारी वर्षाका कारण भएको ठूलो मानवीय क्षतिप्रति राष्ट्रपति लुइज इनासियो लुला दा सिल्भालाई आफू दुःखित भएको सन्देश पठाएका छन् ।
राष्ट्रपति सीले साओ पाउलो राज्यमा भएको विनाशकारी वर्षाले ठूलो मानवीय तथा भौतिक सम्पत्तिको क्षति भएकोमा आफू दुःखित भएको भन्दै पीडितहरूप्रति गहिरो समवेदना प्रकट गरेका हुन् ।
साथै उनले शोकसन्तप्त परिवार र प्रकोप प्रभावित क्षेत्रका घाइतेहरूको शीघ्र स्वास्थ्य लाभको कामना गर्दै पीडित जनताप्रति समेत सहानुभूति प्रकट गरेका हुन् ।