२९ मंसिर, काठमाडौं । नेकपा एमालेका स्थायी समिति सदस्य राजेन्द्र गौतमले उपमहासचिव पदका लागि स्वतन्त्र उम्मेदवारी दिने घोषणा गरेका छन्।
गौतमले पत्रकारहरूसँग कुरा गर्दै भने, “फारम भरेर तयारी सकेको छु, अब मेरो उम्मेदवारी फिर्ता हुने छैन।” उनले सार्वजनिक भएको पदाधिकारी सूचीप्रति असन्तुष्टि पनि व्यक्त गरे।
उनीसँगै अध्यक्षलाई आफ्नो उम्मेदवारीको विषयमा जानकारी गराएको भए पनि प्रचारमा आएका नामअनुसार आफू उपमहासचिव पदमा उम्मेदवारी दिने निर्णयमा पुगेको गौतमले स्पष्ट पारे।
