काठमाडौं, १७ पुस । एक वर्षको अवधिमा नेपालमा १० लाखभन्दा बढी विदेशी पर्यटक भित्रिएका छन्। वैदेशिक रोजगार विभागको तथ्यांकअनुसार सन् २०१५ मा कुल १० लाख १५ हजार ३७८ विदेशी पर्यटक नेपाल आएका हुन्।
उक्त अवधिमा ९ लाख ८२ हजार ५६१ जना विदेशी पर्यटक नेपालबाट फर्किएका छन्। अध्यागमन विभागका अनुसार नेपाल आउने अधिकांश विदेशी नागरिक घुमघाम तथा पर्यटन प्रयोजनका लागि आउने गरेका छन्।
नेपालको अध्यागमन प्रणालीले विदेशी नागरिकलाई पर्यटक भिसा, श्रम भिसा, अध्ययन भिसा, व्यवसाय भिसालगायत करिब १० प्रकारका भिसा उपलब्ध गराउँदै आएको छ। यसले पर्यटनसँगै शिक्षा, रोजगारी र व्यवसायका लागि नेपाल आउने विदेशीको संख्यामा वृद्धि भएको देखिन्छ।
