२ साउन, काठमाडौँ। मलेसियामा नेपाल एयरलाइन्सको उडान डिले भएको घटनामा छानबिन समिति गठन भएको छ ।
क्वालालाम्पुर-भैरहवा-काठमाडौं उडानमा निगमको आरए ४२२ उडान भर्नु अगाडी एन-एकेडब्यू जहाजको क्रू अक्सिजन बोतलको प्रेसर कम भएको र त्यसको जोहो हुन नसक्दा उडान रोकिएको थियो । कम्पनीले उडान ढिला भएको प्रति यात्रुसँग माफी मागेका छन् ।
घट्नामा कस्तो प्राविधिक कारणले समस्या आएको र भविष्यमा यो समस्या दोहोरिन नदिन के गर्नुपर्छ भन्नेबारे सुझाव दिन निगमले एक छानबिन समिति गठन गरी कारबाही प्रक्रिया अगाडी बढाएको बताएको छ ।
