१८ कात्तिक, काठमाडौं। नेपाली कांग्रेसका महामन्त्री गगनकुमार थापाले पुस १६ देखि १९ गतेभित्र पार्टीको १५औं महाधिवेशन गर्ने प्रस्ताव राखेका छन्। उनले उक्त प्रस्ताव पार्टीको केन्द्रीय समिति बैठकमा प्रस्तुत गरेका हुन्।
बैठकमा केन्द्रीय सदस्यले जानकारी दिएका अनुसार, थापाले महाधिवेशन पुस १६–१९ को बीचमा गर्ने प्रस्ताव पेश गरेका थिए। यसअघि, संस्थापन पक्षको बैठकले १५औं महाधिवेशन वैशाखको अन्तिम साता गर्ने प्रस्ताव अघि बढाएको थियो।
संस्थापन इतर नेताहरू भने प्रतिनिधिसभा निर्वाचन अघि विशेष महाधिवेशन गर्नुपर्ने माग राख्दै आएका छन्। उनीहरूले विशेष महाधिवेशनका लागि ५४ प्रतिशत प्रतिनिधिको हस्ताक्षर कार्यवाहक सभापति पूर्णबहादुर खड्कालाई बुझाइसकेका छन्।
