३० फागुन, काठमाडौं । राष्ट्रिय स्वतन्त्र पार्टी (रास्वपा)को सचिवालयको बैठक आज बस्दै छ ।
सभापति रवि लामिछानेको निर्देशनअनुसार सचिवालय बैठक आज बस्ने तय भएको प्रवक्ता मनिष झाले जानकारी दिएका छन् ।
बैठकको समय र स्थान भने सभापति लामिछानेको स्वास्थ्य अवस्था हेरेर छिट्टै सूचित गरिने उनले बताए ।
बैठकको कार्यसूचीमा समानुपातिक सांसदको नाम सिफारिस र विधि रहेको प्रवक्ता झाले जानकारी दिए ।
