३ चैत, काठमाडौं । फागुन २१ गते सम्पन्न प्रतिनिधिसभा निर्वाचन अन्तर्गत समानुपातिक प्रणालीबाट निर्वाचित सांसदहरूलाई बिहीबार प्रमाणपत्र प्रदान गरिने भएको छ।
निर्वाचन आयोग का सहायक प्रवक्ता कुलबहादुर जिसी ले ११० जना सांसदलाई निर्वाचित भएको प्रमाणपत्र वितरण गर्ने तयारी भइरहेको जानकारी दिएका छन्।
आयोगले यसअघि नै समानुपातिकतर्फ निर्वाचित सांसदहरूको सूची सार्वजनिक गरिसकेको छ। सार्वजनिक विवरणअनुसार राष्ट्रिय स्वतन्त्र पार्टी का ५७, नेपाली कांग्रेस का २०, नेकपा एमाले का १६, नेपाल कम्युनिष्ट पार्टी का ९, श्रम संस्कृति पार्टी र राष्ट्रिय प्रजातन्त्र पार्टी का ४/४ जना सांसद निर्वाचित भएका छन्।
प्रमाणपत्र वितरणपछि सोही दिन प्रतिनिधिसभा सदस्य निर्वाचन २०८२ को अन्तिम परिणामसहितको समग्र प्रतिवेदन रामचन्द्र पौडेल समक्ष पेश गरिने आयोगले जनाएको छ।
प्रतिवेदन राष्ट्रपतिसमक्ष बुझाएपछि नेपालको संविधान २०७२ को धारा ७६(१) अनुसार नयाँ सरकार गठनका लागि प्रक्रिया अगाडि बढ्ने बाटो खुल्नेछ।
