१३ वर्ष पहिले घरकै बगैँचामा हराएको हिराको औँठी गाजरले लगाएर निस्कियो

सन् २००४मा क्यानडाको ८४ वर्षकी अल्बर्टाकी मेरी ग्राम्स नामक एक बृदको हिराको औँठी १३ वर्ष पहिले घरकै बगैँचामा हराएको थियो । सुन्दा विश्वाश नलाग्दो तर सत्य घटना भएको यो समाचार निकै भाइरल बन्दै गएको छ ।

हराएको यति लामो समय भएपछि उनले सो औँठी भेटिने आश मारिसकेकी थिइन् । तर हालै उनले उक्त औँठी आफ्नै बगैँचाको एउटा गाजरको बोटमा फेला पारिन् ।

मेरीले औँठी हराएको कुरा आजसम्म आफ्नो लोग्नेलाई समेत भनेकी थिइनन् तर छोरालाई भने थाहा थियो । औँठी हराएको कुरा लुकाउन उनले बजारबाट एउटा उस्तै देखिने सस्तो खालको औँठी किनेर लगाउने गर्थिन् । तर, भाग्यवस उनको औँठी १३ बर्षपछि आफ्नै बगैचामा भेटिएको छ ।

गत सोमबार जब मेरीकी बुहारीले करेसाबारीबाट एउटा गाजर उखेलिन् तब वर्षौँसम्म माटोमै रहेको औँठी गाजरमा उनिएको अवस्थामा अचम्म तरिकाले फेला परेको हो । उखेल्ने बित्तिकै नै अनौठो देखियो गाजर, कम्मर छिनेको जस्तो । जब उनले गाजरलाई पानीमा पखालिन् तब त गाजरले हिराको औँठी लगाएको प्रष्टै देखियो । बीबीसी