१० सााउन, जनकपुरधाम । यातायात व्यवस्था कार्यालय जनकपुरधाम, धनुषाले आर्थिक वर्ष २०७८/७९ मा रु २२ करोड ३० लाख राजस्व सङ्कलन गरेको छ । मधेस प्रदेश सरकारले सवारी करमा लाग्ने जरिवाना छुट गरेपछि सो राजस्व सङ्कलन भएको हो ।
आर्थिक वर्ष २०७८/७९ रु ५५ करोड ५६ लाख राजस्व सङ्कलन भएको कार्यालय प्रमुख वीरेन्द्रकुमार साहले जानकारी दिनुभयो । आव २०७८/७९ मा सवारी करबाट रु ४२ करोड २२ लाख, सवारी चालक अनुमतिपत्र तथा नवीकरणबाट रु १२ लाख तथा नयाँ सवारी दर्ता र रुट परमिटबाट रु एक करोड ३२ लाख राजस्व सङ्कलन भएको छ । यो अघिल्लो आवभन्दा रु २२ करोड ३० लाख बढी हो । गत आवमा रु ३९ करोड २२ लाख राजस्व सङ्कलन भएको थियो ।
यस्तै आव २०७८/७८ मा १६ हजार एक सय ८७ मोटरसाइकल, पाँच सय ११ ट्र्याक्टर, चार सय ७१ टेम्पु, २८२ ई–रिक्सा तथा २३८ जिप/कारलगायत दर्ता भएको साहले बताउनुभयो । सो आवमा २० हजार ६७२ जनालाई नयाँ चालक अनुमतिपत्र वितरण गरिएको छ भने २२ हजार ७५० जनाको नविकरण गरिएको छ । 
