२८ बैशाख, काठमाडौँ । नेपाली कांग्रेसको पदाधिकारी बैठक बस्दैछ । बैठकमा नेता बालकृष्ण खाँणबारे छलफल र आवश्यक निर्णय हुने कांग्रेस स्रोतले जनाएको छ । स्रोतका अनुसार कांग्रेसले केन्द्रीय सदस्य खाँणलाई निलम्बनको तयारी गरेको छ ।
नेपालीलाई भुटानी शरणार्थी बनाएर अमेरिका पठाउने धन्दामा संलग्न रहेको आरोपमा पूर्वगृहमन्त्री समेत रहेका नेता खाँण बुधबार पक्राउ परेका थिए । पक्राउपछि खाँणलाई पार्टीबाट निलम्बन गरिनुपर्ने आवाज उठ्दै आएको छ ।
नक्कली भुटानी शरणार्थी प्रकरणमा पक्राउ परेका पूर्वगृहमन्त्री खाँणलाई ३ दिन हिरासतमा राख्न अदालतले अनुमति दिइसकेको छ । खाँणलाई बुधबार बिहान चाबहिलको मैजुबहालस्थित निवासबाटै पक्राउ गरिएको थियो ।
