२२ माघ, कोलम्बो । श्रीलङ्काका वामपन्थी राष्ट्रपतिले मङ्गलबार बेलायतबाट स्वतन्त्रताको वार्षिकोत्सवमा यस गरिब द्वीप राष्ट्रको ‘भ्रष्ट’ देशको छवि परिवर्तन गर्ने प्रतिज्ञा गरेका छन्।
स्व–घोषित माक्र्सवादी अनुरा कुमारा दिसानायकेले सन् १९४८ को सत्ता हस्तान्तरणको स्मरण गर्न जेट विमानको उडान र घोडाको परेडको सामान्य भव्य सैन्य समारोहलाई त्यागे ।
यसको सट्टा उनको सरकारले सरकारी अधिकारीहरूमा भव्य खर्च कम गर्ने उनको प्रतिज्ञालाई ध्यानमा राख्दै सैन्य मार्चको आयोजना ग¥यो ।
“हामी श्रीलङ्काको विश्वव्यापी छविलाई भ्रष्ट शासनका लागि चिनिने देशबाट परिवर्तन गर्न प्रतिबद्ध छौँ”, उनले राष्ट्रलाई दिएको सन्देशमा भने, “असङ्ख्य बाधा र विगतको भ्रष्ट राजनीतिक प्रणालीका गहिरो जरा गाडिएका त्रुटिहरूका बाबजुद नागरिकहरूको सामूहिक इच्छाद्वारा निर्मित जनताको सरकार स्थिर रूपमा अघि बढिरहेको छ ।”
राष्ट्रपति दिसानायकेको सरकारले गत वर्षको अन्त्यमा द्विपक्षीय र निजी ऋणदाताहरूसँग लामो समयदेखि विलम्बित ऋण पुनर्संरचना सम्पन्न गर्यो । यसले श्रीलङ्काको दिवालिया राष्ट्रको स्थितिको अन्त्य भयो ।
श्रीलङ्काले खाद्यान्न, इन्धन, औषधि र अन्य आवश्यक वस्तुहरूको आयातका लागि विदेशी मुद्रा समाप्त भएपछि सन् २०२२ अप्रिलमा ४६ अर्ब डलरको बाह्य ऋण तिर्न असफल भएको थियो ।
अभूतपूर्व आर्थिक मन्दीले तत्कालीन राष्ट्रपति गोटाबाया राजपक्षलाई राजीनामा दिन बाध्य तुल्यायो । उनका उत्तराधिकारी रनिल विक्रमसिङ्घेले अन्तर्राष्ट्रिय मुद्रा कोषबाट दुई अर्ब ९० करोड डलर ऋण प्राप्त गरे ।
गत सेप्टेम्बरमा भएको चुनावमा विक्रमसिङ्घेलाई पराजित गरेका दिसानायकले आफ्ना पूर्ववर्तीको प्रशासनमा लागु गरिएका कठोर मितव्ययिता उपायहरू कायम राखेका छन् र चार वर्षे आइएमएफ बेलआउट कार्यक्रम जारी राख्ने वाचा गरेका छन् ।
“नयाँ सरकारका रूपमा विगत चार महिनामा हामीले स्थिर अर्थतन्त्रको जग बसाल्यौँ र नयाँ राजनीतिक संस्कृति सुरु गर्यौँ”, दिसानायकले भने ।