२१ चैत, काठमाडौँ। प्रमुख प्रशासकीय अधिकृत सरोज गुरागाईँलाई रोक्न काठमाडौँ महानगरपालिकाले महानगर प्रहरीलाई गेटमा तैनाथ गरेको छ।
प्रमुख प्रशासकीय अधिकृत गुरागाईँ आज महानगरपालिकाको दैनिक काममा कार्यालय फर्कने तयारीमा रहेको जानकारी पाएपछि उनलाई रोक्न महानगर प्रहरी परिचालन गरिएको हो।
महानगरले केही महिना अगाडी गुरागाईँलाई नक्सा पास गर्दा प्रक्रिया नै पुरा नगरी लेनदेन गरेको भष्ट कर्मचारी भन्दै जिम्मेवारीबाट हटाएको थियो। त्यसपछि उनी मन्त्रालय फर्केका थिए।
महानगरका कर्मचारीहरू भने सरकारले पठाएका गुरागाईँलाई काम गर्न दिनु पर्ने पक्षमा देखिएका छन् भने मेयर बालेन शाह उनलाई कुनैपनि हालतमा महानगरमा फर्कन नदिने पक्षमा देखिएका छन्।
