२ जेठ, काठमाडौं । युद्धविराम सहमतिपछि रोकिएको अमेरिका र इरानबीचको शान्ति वार्तालाई सहजीकरण गर्न पाकिस्तानका आन्तरिकमामिला मन्त्री शनिबार तेहरान आइपुगेका छन्।
“पाकिस्तानी आन्तरिक मामिलामन्त्री मोहसिन नक्वी दुई दिने औपचारिक भ्रमणका लागि इरान आइपुगेका छ इरानी तस्निम न्यूज एजेन्सीले लेखेको छ”, पाकिस्तानले क्षेत्रीय शान्ति प्रबद्र्धन गर्न जारी गरेको प्रयासको एक हिस्साको रूपमा उहाँ शनिबार इरान आइपुगेका छन्।”
पाकिस्तानका प्रभावशाली सेना प्रमुख फिल्ड मार्शल असिम मुनिरको तेहरान भ्रमणको केही दिनपछि इरानका गृहमन्त्री इस्कान्दर मोमेनीले नाक्वीलाई स्वागत गरेका छन्।
इस्लामावादले इरान र अमेरिकाबीचको शान्ति वार्तामा सक्रिय रूपमा मध्यस्थता गरिरहेको छ । पाकिस्तानले गत महिना दुबै पक्षका प्रतिनिधिहरूबीच उच्चस्तरीय बैठक आयोजना गरेको थियो।
गत अप्रिल ८ देखि सुरु भएको युद्धविरामले फेब्रुअरी २८ मा अमेरिका र इजरायली सेनाले इरानमाथि आक्रमण गरेपछि सुरु भएको युद्धविरामलाई रोकेको छ ।
यसैबीच, इरानका विदेशमन्त्री अब्बास अराघचीले वासिङ्टनबाट तेहरानलाई अमेरिकी राष्ट्रपति डोनाल्ड ट्रम्पको प्रशासन वार्ताका लागि इच्छुक रहेको सन्देश प्राप्त भएको बताएका छन्।
इरानका प्रमुख वार्ताकार तथा इरानी संसद्का सभामुख मोहम्मद बाघेर गालिबाफले मङ्गलबार भनेका छन्, “वासिङ्टनले तेहरानको शान्तिका लागि गरेको प्रस्तावलाई स्वीकार गर्नुपर्ने नत्र शान्तिवार्ता भङ्ग हुनेछ।”
उनले भने, हामीले ‘१४ बुँदे प्रस्तावमा उल्लेख गरिए अनुसार इरानी जनताको अधिकार स्वीकार गर्नुको विकल्प छैन । कुनै पनि अन्य दृष्टिकोण पूर्ण रूपमा अस्वीकार्य हुनेछ,” गालिबाफले सामाजिक सञ्जालमा गरेको पोस्टमा भनेका छन्।
