७ असार, काठमाडौं । नेपाली कांग्रेस का सभापति गगन कुमार थापा राष्ट्रिय स्वतन्त्र पार्टी (रास्वपा) को महाधिवेशन उद्घाटन समारोहमा सहभागी हुन तथा शुभकामना मन्तव्य दिन चितवन जाने कार्यक्रम रहेको छ। प्राप्त जानकारी अनुसार, नेपाली कांग्रेस का सभापति थापाले रास्वपाको महाधिवेशन उद्घाटन समारोहमा उपस्थित भई शुभकामना व्यक्त गर्नेछन्।
विभिन्न राजनीतिक दलबीच लोकतान्त्रिक अभ्यास, सहकार्य र राजनीतिक संवादलाई सुदृढ बनाउने सन्देशका साथ उनको सहभागिता रहने बताइएको छ। राष्ट्रिय स्वतन्त्र पार्टीले आयोजना गरेको महाधिवेशनमा विभिन्न राजनीतिक दलका नेता तथा प्रतिनिधिहरूको समेत सहभागिता रहने अपेक्षा गरिएको छ।
चितवनमा हुने उद्घाटन समारोहलाई रास्वपाको संगठन विस्तार, नीतिगत बहस तथा भावी राजनीतिक कार्यदिशा तय गर्ने महत्वपूर्ण अवसरका रूपमा हेरिएको छ। थापाको उपस्थितिलाई प्रमुख राजनीतिक दलहरूबीचको लोकतान्त्रिक सौहार्द र संवादको संकेतका रूपमा समेत व्याख्या गरिएको छ।
