काठमाडौं । प्रधानमन्त्री तथा मन्त्रिपरिषदको कार्यालयले संयुक्त अरब इमिरेट्स (युएई)मा अलपत्र परेका ३० नेपाली कामदारको तत्काल उद्धार गर्न निर्देशन दिएको छ ।
चौकीदारका रुपमा ११ महिनाअघि काम गर्न दुबईको सारजहाँको एक कम्पनीमा गएका उनीहरूलाई चार महिनादेखि पारिश्रमिक नदिइएपछि बिचल्ली परेको खबर सार्वजनिक भएपछि उद्धार गर्न परराष्ट्र र श्रम तथा रोजगार मन्त्रालयका सचिवलाई पत्र लेखिएको प्रधानमन्त्री कार्यालयका प्रवक्ता दामोदर रेग्मीले जानकारी दिनुभयो ।
प्रधानमन्त्री कार्यालयले अलपत्र परेका उनीहरूलाई छिटो उद्धार गरी नेपाल ल्याउन र त्यसको जानकारी कार्यालयलाई दिन निर्देशन दिएको छ । रासस
