काठमाण्डौ । चलचित्र ‘जात्रा’ आजबाट चौथो सातामा प्रर्दशन भइरहेको छ । दर्शक र समीक्षकबाट एकदमै राम्रो प्रतिक्रिया पाएको ‘जात्रा’ लाई पूर्व प्रधानमन्त्री एवं नयाँ शक्ति नेपाल पार्टीका प्रमुख डा.बाबुराम भट्टराईले उत्कृष्ट फिल्मको उपमा दिएका छन् ।
भट्टराईले सुन्धारास्थित सिभिल मलको क्युएफएक्स सिनेमा हलमा पत्नी हिसीला यमी, नयाँ शक्ति पार्टीकी सदस्य तथा अभिनेत्री करिश्मा मानन्धरसँग फिल्म हेर्दै उत्कृष्ट फिल्म मध्येको एक रहको प्रतिक्रिया दिएका हुन् ।
प्रदीप भट्टराई निर्देशित ‘जात्रा’ नेपाली समाज र राज्यको जीवन्त र रोचक चित्रण गर्ने फिल्म रहेको उनले बताए । उनले भने, ‘समाजमा आर्थिक रुपको जुन खालको विपन्नता छ र, त्यो कारणले राज्यसत्तामा जुन खालको विसंगति छ, आज कसैले कसैमाथि विश्वास गर्न सक्ने वातावरण छैन । त्यसको सजिव चित्रण फिल्ममा गरिएकाले निकै मन पर्यो ।’
यस्तै बाबुराम पत्नी यमीले ‘जात्रा’ ले आफुलाई गम्भीर बनाएको बताइन् । ‘जात्रा’ एसियामै अवार्ड पाउन लायक सिनेमा रहेको उनको भनाई थियो ।
यस्तै, अभिनेत्री मानन्धरले जात्रालाई हाँसो र रोनदयुक्त फिल्म भनी व्याख्या गरेकी छन् । ‘जात्रा नहेरेको भए मैंले राम्रो फिल्म छुटाउने रहेछु उनले भनिन्, रविन्द्रसिंह बाँनिया निर्मित फिल्म ‘जात्रा’ मा कलाकार विपिन कार्की, रविन्द्र झा, निर्माता बाँनिया र नायिका बर्षा राउतको मुख्य भूमिका रहेको छ ।
