४ जेठ, काठमाडौं । आज बसेको कोरोना रोकथाम, उपचार तथा नियन्त्रण कोषको बैठकले लकडाउन लम्ब्याउन सरकारलाई सिफारिस गरेको छ । आजसम्म २ जनाको निधन भइसकेको छ भने २९२ जनालाई कोरोना संक्रमण भएको पुष्टी भईसकेको छ ।
अकडाउन लम्ब्याउन काठमाडौं उपत्यकाका सिडिओहरुले केहीदिन अगाडी नै दिईसकेका छन् भने जनस्वास्थ्यबिदहरुले पनि लकडाउन बढाउन र कडा बनाउन सल्लाह दिँदै आएका छन् ।
यसबाट आज बस्ने मन्त्रीपरिषद बैठकले लकडाउनको समय बढाउने अनुमान लगाउन सकिन्छ । १० दिनको समय थप गर्ने समभवना रहेको एक मन्त्रीले जनाएक छन् ।
५ गतेसम्म भएको लकडाउन १५ गतेसम्म बढ्ने छ । यदि १५ दिन बढेमा २० गतेसम्म कायम हुने छ ।
उपप्रधान तथा रक्षामन्त्री ईश्वर पोखरेल संयोजक रहनुभएको उक्त समितिको प्रधानमन्त्री तथा मन्त्रिपरिषद्को कार्यालय सिंहदरबारमा आज बसेको बैठकले वर्तमान अवस्थामा बन्दाबन्दी नै प्रभावकारी माध्यम भएकाले बढाउनुपर्ने निष्कर्षसहित सरकारलाई सिफारिस गरेको हो ।
समितिको निर्णयबारे जानकारी दिँदै समितिका सदस्य–सचिव तथा प्रधानमन्त्री कार्यालयका सचिव नारायणप्रसाद बिडारीले कोभिड–१९ कल्पनै नहुने गरी बढ्ने अवस्था रहेकामा बन्दाबन्दीकै कारण सङ्क्रमण रोक्न सफल भएकाले थप गर्नु नै उपयुक्त र सही छ भन्ने निष्कर्ष समितिको रहेको बताए । यसअघि बन्दाबन्दी सोमबार (भोलि) राति १२ बजेसम्मका लागि घोषणा गरिएको थियो । बन्दाबन्दीको अन्तिम निर्णय आज जारी मन्त्रिपरिषद् बैठकले गर्नेछ ।
समितिको आजको बैठकमा विभिन्न क्षेत्रमा रहेको क्वारेन्टाइनलाई थप व्यवस्थित बनाउँदै मापदण्ड नपुगेकालाई पनि पु¥याउने र आवश्यक रकम व्यवस्थापन गर्ने निर्णय पनि समितिले गरेको छ । यस्तै बन्दाबन्दी कार्यान्वयन र मानिसको आवागमन रोक्न सुरक्षा व्यवस्था कडा बनाउने तथा स्वास्थ्यकर्मीको मनोबल उच्च बनाउने पनि समितिले निर्णय गरेको छ । अत्यावश्यक वस्तुको कमी हुन नदिने र आपूर्तिको बन्दोबस्त मिलाउने निर्णय पनि समितिले गरेको बिडारीले बताए ।
आजको बैठकमा विदेशमा रहेका नेपालीलाई ल्याउने विषयमा समेत गम्भीर छलफल भएको थियो । छलफलले निष्कर्ष निकाल्न भने नसकेको छलफलमा सहभागी स्वास्थ्य मन्त्रालयका एक अधिकारीले जानकारी दिए । उनका अनुसार स्वास्थ्य मन्त्रालयले क्वारेन्टाइन र आइसोलेशनको आवश्यक व्यवस्थापन नहुँदासम्म ल्याउन नहुने सुझाव प्रस्तुत गरेको थियो ।
